.png)
.png)
.png)
.png)
.png)
![Uswa e Rasool e Akram [S.A.W]](/store/1047/Cover Logo.jpg)
سایہ عرش الہی کے مستحق لوگ
سایہ عرش الہی کے مستحق
رسول اللہ (صلی اللہ علیہ وسلم) نے فرمایا: جس روز سایہ عرش الہی کے سوا اور کوئی سایہ نہ ہوگا سات شخص ہوں گے جن کو اللہ تعالی اپنے عرش کے سایہ میں رکھے گا۔
- حضرت ابو ہریرہ رضی اللہ عنہ سے روایت ہے کہ رسول اللہ (ﷺ) نے فرمایا سات قسم کے آدمی ہیں جنہیں اللہ تعالی اپنی رحمت کے سایہ میں جگہ دے گا۔ قیامت کے اس دن میں جس دن کہ اس کے سایہ رحمت کے سوا کوئی دوسرا سا یہ نہیں ہوگا۔
عدل و انصاف سے حکمرانی کرنے والا فرمانروا۔
وہ جوان جس کی نشوونما اللہ تعالیٰ کی عبادت میں ہوئی (یعنی جو بچپن سے عبادت گزار تھا اور جوانی میں بھی عبادت گزار رہا اور جوانی کی مستیوں نے اسے غافل نہیں کیا)
وہ مرد مومن جس کا حال یہ ہے کہ مسجد سے باہر جانے کے بعد اس کا دل مسجد ہی سے اٹکا رہتا ہے کہ
جب تک پھر مسجد نہ آئے۔
وہ دو آدمی جنہوں نے اللہ تعالی کے لئے باہم محبت کی۔ اس پر جڑے رہے اور اسی پر الگ ہوئے (یعنی ان کی محبت صرف منہ دیکھنے کی محبت نہیں جیسی کہ اہل دنیا کی محبتیں ہوتی ہیں بلکہ ان کا حال یہ ہے کہ جب یکجا اور ساتھ ہیں، جب بھی محبت ہے اور جب ایک دوسرے سے الگ اور غائب ہوتے ہیں جب بھی ان کے دل اللہ کی محبت سے لبریز ہوتے ہیں)
اللہ تعالی کا وہ بندہ جس نے اللہ تعالیٰ کو یاد کیا تنہائی میں تو اس کے آنسو بہہ پڑے۔
وہ مرد جسے حرام کی دعوت دی کسی ایسی عورت نے جو خوبصورت بھی ہے اور صاحب وجاہت و عزت بھی، تو اس بندے نے کہا میں اللہ تعالی سے ڈرتا ہوں (اس لئے حرام کی طرف قدم نہیں اٹھا سکتا )
اور وہ شخص جس نے اللہ تعالیٰ کی راہ میں صدقہ کیا اور اس قدر چھپا کر کیا کہ گویا اس کے بائیں ہاتھ کو خبر نہیں کہ اس کا داہنا ہاتھ اللہ تعالیٰ کی راہ میں کیا خرچ کر رہا ہے اور کس کو دے رہا ہے۔(صحیح بخاری ومسلم،معارف الحدیث)
